ಸೂರ್ಯಾಸ್ತ

ಆ ಹೊಂಬಣ್ಣದ ಸುಂದರವಾದ ಸೂರ್ಯ
ದಿಗಂತದಲ್ಲಿ ಇಳಿಯಲು ತಯಾರಾಗುತ್ತಿತ್ತು
ಬಾನೆತ್ತರೆದ ಹಸಿರು ಮರಗಳ ಮರೆಯಿಂದ
ರಂಗು ರಂಗಿನ ಚಿತ್ತಾರದ ಪ್ರಯೋಗ ನಡೆದಿತ್ತು
ಹತ್ತಿರದ ಮೋಡ ಹಾಗು ದೂರದ ಬಾನಂಚಿನಲ್ಲಿ

ಆ ಮಹಾನ್ ದೈವೀಕ ಕಲೆಯು ಸೆರೆಯಾಗಿತ್ತು
ನೋಡುತ್ತಿರುವ ಪುಟ್ಟ ಅಕ್ಷಿಪಟಲಗಳಲ್ಲಿ

ಕೊನೆಗೂ ಸೂರ್ಯನು ದಿಗಂತದಲ್ಲಿ ಮರೆಯಾದಾಗ
ಆ ಕಾರ್ಮೋಡಗಳೂ ಹೊಳೆಯುತ್ತಿದ್ದವು ಬೆಳ್ಳಿಯಂಚಿನಿಂದ
ನೀಡಲೆಂದು ನಮಗೆಲ್ಲಾ  ಹೊನ್ನಿನಂತಹ ಸಂದೇಶ

ನುಸುಳುತ್ತಿರುವ ಗಾಢ ಅಂಧಕಾರದ ನಂತರವೂ
ಮೂಡುತ್ತದೆ ಬೆಳ್ಳನೆ ಬೆಳಗುವ ಸೂರ್ಯನ ಪ್ರಕಾಶ.
_____________________________________________________________________________